Урлагийн сайхан хосуудын тоог нэгээр
нэмж, жаргалтай агшин бүрээ фэйсбүүк хуудсаараа
дамжуулан хүргэж байсан
жүжигчин П.Шүүдэрцэцэг, Mixx хамтлагийн дуучин Темпо нар салаад удаж
буй. Хос хоёрыг салсанд олон ч хүн дургүй байдгаа илэрхийлдэг бөгөөд
эргэн нийлчхээсэй хэмээн хүсдэг.
Харин П.Шүүдэрцэцэг нэгэн залуугийн зураг
тэвэрч, валентины баяраар шинэхэн амрагтайгаа тэмдэглэж байгаа тухайгаа
дэлгэсэн нь экс амрагтайгаа эргэн нийлчхээсэй гэж хүсдэг хүмүүсийн
итгэлийн галыг нэг мөсөн унтраасан гэхэд хилсдэхгүй. Гэвч шинэхэн
амрагаа танилцуулахгүй зөвхөн ар нуруунаас нь тэвэрсэн зураг нийтэлсэн
нь олон ч хүний сонирхлыг татаж байсан удаатай.
Харин тус зургийн эзэн “Бид 3-ын болзоо”
уран сайхны кинонд хамтран тоглосон УДЭТ-ын жүжигчин СТА Э.Тодгэрэл
гэдгийг цагаан сараар ижилссэн хос дээлээр нь үзэгчид нь таниад авсан.
Хос хоёр харин одоо хүртэл тайлбар хийдэггүй бөгөөд удахгүй ил тодоор
хайр сэтгэлээ баталгаажуулаагүй ч сүүлийн үеийн зураг, бичлэгээр
өөрсдийгөө илчлэх болжээ.
